Heyvanlardakı dəlillər

Kainatda insan bədənindən səmaya, heyvanlardan dənizlərin dərinliklərinə qədər bütün varlıqlarda və hadisələrdə çox kompleks sistemlər və saysız-hesabsız həssas tarazlıqlar var. Düşünən və ağıllı insanlar bu kompleks sistemləri və həssas tarazlıqları üstün güc və ağıl sahibi olan Allah'ın yaratdığını görəcək.

Bu şüura sahib olan insan ətrafında gördüyü hər şeydə ona Allah'ı tanıdacaq saysız-hesabsız dəlillə qarşılaşır. Məsələn, texnologiyaya tətbiq edilən quşların qanadları, fillərin xəbərləşmə sistemləri, böcəklərdəki dizayn, palçıqlı torpaqdan çıxan rəngarəng, xoş qoxulu çiçəklər, ləzzətli tərəvəz və meyvələr, bu gözəlliklərin qəbul edilməsini təmin edən duyğu orqanları, içində bir çox kompleks sistemin mükəmməl və uyğun şəkildə işlədiyi insan bədəni, Yer kürəsini işıqlandıran, isidən və bunun üçün bizə ən uyğun məsafədə və böyüklükdə yaradılan Günəş, quru torpağı canlandıran yağış və kainatın hər nöqtəsini əhatə edən saysız-hesabsız dəlillər...

Bu dəlillər üzərində düşünən hər vicdanlı insan Allah'ın varlığını və böyüklüyünü açıq-aşkar görərək iman gətirəcək. İman gətirənlər isə iman həqiqətləri sayəsində Allah'ı daha yaxından tanıyacaq, Rəbbimizə qarşı iman, sevgi və qorxusu daha da artacaq.

Burada nümunə verdiyimiz canlıları izah etməyimizin məqsədi də Allah'ın açıq-aşkar varlığının dəlillərini ortaya qoyaraq insanların gözlərinin önündəki qəflət pərdəsinin qalxmasına və ya heç olmasa aralanmasına kömək etməkdir (Harun Yəhya, Təbiətdəki Dizayn)