Arılar yalnız çiçəkləri qoxulayırlar ?

Arıların bal hazırlamaqdan başqa insanlara çox mühüm bir işdə kömək etdiklərini bilirsinizmi?

Birləşmiş Millətlər Təşkilatının hesabatına görə, dünyada təxminən 110 milyon partlamamış mina var və minalar hər il 26.000 insanın ölümünə və ya şikəst qalmasına səbəb olur. Minaları təsirsiz hala gətirmək üçün əvvəlcə yerlərini təyin etmək lazımdır. Bu çox təhlükəli iş üçün elm adamları qeyri-adi bir namizəd təklif edirlər: bal arısı.

Montana Universitetinin tədqiqatçıları quru minalarının yerlərinin təsbitində istifadə etmək üçün bu möcüzəvi böcəkləri canlı robotlar olaraq hazırlayırlar. Açıq ərazidə tozcuq tapmaqda ekspert olan bu canlılar onlara bu qabiliyyəti təmin edən mükəmməl qoxu hiss etmə sistemlərinə malikdirlər. Montana Universitetindən Jerry Bromenshenk "Arıların itlərin hiss edə bilmədikləri qoxuları qəbul edə bildiklərini bilirik" deyir. "Əgər qoxu hissləri bu qədər həssasdırsa, axtarışda itlərdən daha yaxşı və ya ən az itlər qədər yaxşı olacaqlar" deyə əlavə edir. İki ildir davam etdirilən işlərdə arılar əsli kimi qoxu verən təqlid minaları tapırlar. Tədqiqatçılardan Colin Henderson arıları müəyyən bir qoxunun izini sürmələri üçün təlimləndirir.

Henderson böcəklərin mükəmmələ yaxın şəkildə iz sürdüklərini, artıq həqiqi minalar üzərində reallaşdırılacaq vəzifələr üçün hazır olduqlarını ifadə edir.

Arıların qoxu hiss etmə sistemi Allah'ın yaratma sənətinin bir nümunəsidir

Arı bığcıqlarını mikroskop altında tədqiq etdikdə bığcığın üzərində bir çox dəlik görərsiniz. Bığcığının içinə doğru beynindən gələn qoxu sinirləri uzanır. Ancaq bu dəliklərin üstü xüsusi bir pərdə ilə örtülüdür və pərdə sinir uclarını qorumağa yarayır. Qoruyucu bir divar meydana gətirməyinə baxmayaraq, bu pərdə qoxunu keçirə bilmə xüsusiyyətinə malikdir. Kiçik bir böcəyin bığcığına yerləşdirilmiş və torpağın altına basdırılmış bir metalın qoxusunu metrlərlə uzaqdan qəbul edə bilən bu xüsusi dizayn, əlbəttə ki, arının öz iradəsi ilə var olmamışdır. Arıların insanlara da fayda verən qoxu hiss etmə sistemini aləmlərin Rəbbi uca Allah yaratmışdır.